«Бавария» Олисени фақат катта таклиф бўлган тақдирдагина сотиши мумкин

Мюнхеннинг «Бавария» клубида француз вингери Майкл Олисенинг ўйинларига юқори баҳо берилмоқда. Германия гранди раҳбарияти юлдуз футболчига қизиқиш билдираётган клубларнинг режаларини барбод қилишга қатъий бел боғлаган.

Инсайдер Экрем Конурнинг ижтимоий тармоқларда хабар беришича, «Бавария» Олисе билан узоқ муддатли режалар тузмоқда. Бироқ журналист таъкидлаганидек, Германия клуби жуда йирик таклиф олган тақдирда футболчини сотиш вариантини ҳам кўриб чиқиши мумкин.

Аввалроқ Мадриднинг «Реал» клуби ҳам Майкл Олисега қизиқиш билдираётгани ҳақида хабарлар тарқалганди.

24 ёшли француз футболчисининг бозор қиймати 180 миллион еврони ташкил этмоқда. Унинг «Бавария» билан амалдаги шартномаси 2029 йилнинг июнь ойи охиригача мўлжалланган.

Розикжон Султонмуродов

Журналист

0 0 0 0 0 0