«Андижон» украиналик дарвозабонни ўз сафига қўшиб олмоқчи
Фото: Getty Images
"Андижон" украиналик дарвозабонни ўз сафига қўшиб олмоқчи.
Sports24.uz нашри хабарига кўра, украиналик дарвозабон Артём Одинцов Ўзбекистоннинг "Андижон" клубига ўтишга яқин.
195 см бўйга эга бўлган посбон 2000 йилда Донецк вилоятида туғилган. Фаолиятининг каттагина қисмини Венгрияда ўтказган Одинцовнинг сўнгги клуби "Дьошдьор" клуби бўлди. Бу жамоа билан шартномаси 1 июль куни якунига етди.
Эслатиб ўтамиз, “Андижон” клубини ҳозирда Максим Шацких бошқармоқда. Бу йил жамоа ОЧЛ-2 турнирида иштирок этади.
Фарҳод Файзиев
Эксперт
