UFC chempionlik kamariga sobiq da’vogar doping sababli diskvalifikatsiya qilindi
Fransiyalik MMA jangchisi Manon Fioro antidoping qoidalarini buzgani sababli uch oy muddatga sportdan chetlatildi. Bu haqda UFC matbuot xizmati xabar bermoqda.
Sportchidan 12-sentabr kuni olingan doping namunasida taqiqlangan moddalar ro‘yxatiga kiritilgan ostarin aniqlangan. Keyinchalik o‘tkazilgan navbatdagi tekshiruv esa salbiy natija bergan.
Tergov davomida aniqlangan modda miqdori juda kam bo‘lgani va sportchiga sezilarli ustunlik bermagani inobatga olindi. Shuningdek, fransiyalik jangchining tekshiruv jarayonida mutaxassislar bilan to‘liq hamkorlik qilgani jazo muddatining qisqartirilishiga sabab bo‘ldi.
Ma’lumot uchun, Fioroning diskvalifikatsiya muddati 19-oktabrdan boshlab hisoblanadi. U 2027-yilning 19-yanvaridan boshlab yana oktagonga qaytishi mumkin.