Superliga. «Neftchi» OKMK ustidan superkambek evaziga g‘alaba qozondi
O‘zbekiston Superligasining 27-turida «Neftchi» o‘z maydonida OKMKni 2:1 hisobida mag‘lub etdi. 88-daqiqada Giorgi Papava penaltidan gol urib, mehmonlarni oldinga olib chiqdi.
Biroq farg‘onaliklar taslim bo‘lmadi. 90-daqiqada Nurbek Sarsenbayev hisobni tenglashtirdi. 90+8-daqiqada esa Xurshid G‘iyosov g‘alaba golini kiritib, «Neftchi»ga uch ochko taqdim etdi.
Ushbu natijadan so‘ng «Neftchi» 61 ochko bilan turnir jadvalidagi peshqadamligini mustahkamladi. OKMK esa 45 ochko bilan 4-o‘rinda qoldi.
Superliga. 27-tur
Neftchi — OKMK 2:1
Gollar: Sarsenbayev 90, G‘iyosov 90+8 — Papava 88 (pen.)
Ogohlantirishlar: Karimov 47, Ratinio 74, Abdug‘aniyev 87.
Neftchi: Ergashev, Aliboyev, Ismoilov, Yovovich, Iskanderov, Abdug‘aniyev, Peritsa (Sarsenbayev, 60), G‘ofurov, Odilov (Ratinio, 72), Sayfiyev, Kuao.
OKMK: Abdunabiyev, Papava, O‘lmasaliyev, Ahmadaliyev, Turdialiyev, Sobirjonov, Abdurazzoqov (Xolmurodov, 46), Muqumjonov, Karimov, Peshich, Haqnazariy (Sentoku, 75).
