Sho‘rtan murabbiylar shtabida o‘zgarish yuz berdi
Aliqulovning o‘rniga jamoamizga yaxshi tanish bo‘lgan tajribali mutaxassis Ixtiyor Karimov asosiy jamoaga bosh murabbiyi vazifasini vaqtinchalik bajaruvchi etib tayinlandi.
photo: Sho'rtan fk
Guzorning "Sho‘rtan" klubi murabbiylar shtabida o‘zgarish yuz berdi
"Ma’lumki, shu vaqtga qadar jamoamizga Asror Aliqulov bosh murabbiy sifatida rahbarlik qilib kelayotgan edi. Biroq ProLigadagi so‘nggi qoniqarsiz natijalardan so‘ng klub rahbariyati va Asror Aliqulov o‘zaro kelishuvga erishib, mutaxassis o‘z lavozimini tark etdi.
Uning o‘rniga jamoamizga yaxshi tanish bo‘lgan tajribali mutaxassis Ixtiyor Karimov asosiy jamoamiz bosh murabbiyi vazifasini vaqtinchalik bajaruvchi etib tayinlandi.
Ixtiyor Karimovga yangi vazifasida omad va muvaffaqiyatlar tilaymiz!",-deb yoziladi klub rasmiy sahifasida.
