Shmeyxel «MYu»ning mag‘lubiyatida Lisandro Martinesni aybladi
«Manchester Yunayted»ning sobiq darvozaboni Piter Shmeyxel «Chelsi»ga qarshi uchrashuvdagi (0:2) mag‘lubiyat uchun aybdorni aniqladi.
«Bu mag‘lubiyat uchun barcha mas’uliyatni faqat Martines zimmasiga yuklayman. Uning bu uchrashuvdagi o‘yini shunchaki dahshatli bo‘ldi. Bu holatni ta’riflash uchun hatto so‘z topa olmayapman. Hammasi aql bovar qilmas darajada. U esa maydonni boshini chayqagancha tark etdi, go‘yo hech qanday aybi yo‘qdek. Balki meni uni doim tanqid qilishda ayblashar, ammo jamoa joriy mavsumda o‘tkazib yuborgan ko‘plab gollarni misol qilib keltira olaman. O‘sha vaziyatlarda aynan u asosiy aybdor bo‘lgan va o‘z vazifalarini bajarmagan.
Menimcha, ikki hafta oldingi xatti-harakatlari va bugun penaltiga sabab bo‘lgan epizoddagi harakatlari uning «Manchester Yunayted» darajasidagi futbolchi emasligini ko‘rsatmoqda», — deya Shmeyxelning so‘zlarini Goal nashri keltirmoqda.
