«Lion» kelasi mavsumda yevrokuboklardan chetlatilishi mumkin
Fransiyaning «Lion» klubi kelgusi mavsumda UEFA tomonidan jiddiy sanksiyalarga duch kelishi mumkin. The Telegraph nashri bergan ma’lumotga ko‘ra, tashkilot klubni o‘tgan yozda imzolangan moliyaviy «feyr-pley» bo‘yicha kelishuv shartlarini bajarmagan deb hisoblamoqda.
Moliyaviy majburiyatlarning buzilishi jamoaning sport natijalaridan qat’i nazar, xalqaro turnirlardagi ishtirokini xavf ostiga qo‘yadi. Agarda diskvalifikatsiya kuchga kirsa, yevrokuboklardagi bo‘sh qolgan o‘rin Fransiyaning boshqa bir klubiga nasib etadi.
Hozirda ushbu yo‘llanmaga asosiy nomzodlar sifatida «Marsel» va «Renn» jamoalari ko‘rilmoqda. Mazkur klublar qit’a maydonlarida Fransiyaning sharafini «Lion» o‘rniga himoya qilish imkoniyatiga ega bo‘lishlari mumkin.
Ma’lumot uchun, Liga 1’ning 33 turidan so‘ng «Lion» 60 ochko bilan turnir jadvalida to‘rtinchi pog‘onani egallab turibdi.
