La Liga. «Barselona» «Real Sosedad»ni mag‘lub etib, 1-o‘ringa ko‘tarilib oldi
Ispaniya Primerasining 7-turidan o‘rin olgan “Barselona” — “Real Sosedad” uchrashuvi nihoyasiga yetdi. Ushbu bahsda kataloniyaliklar 2:1 hisobida zafar quchdi. O‘yin Barselonadagi “Olimpik Lyuís Kompanis” stadionida bo‘lib o‘tdi.
31-daqiqada esa Alvaro Odriosola hisobni ochib, basklar jamoasini oldinga olib chiqdi.
Jül Kunde 43-daqiqada javob golini urdi. U burchakdan uzatilgan to‘pni boshi bilan raqib darvozasiga joylab qo‘ydi.
Ikkinchi bo‘lim boshida Lamin Yamal maydonga tushgach, "ko‘k-anorranglilar"ning hujumlari yanada keskin tus ola boshladi. Aynan uning uzatmasidan so‘ng 59-daqiqada Robert Levandovski "Barça"ni oldinga olib chiqdi.
Ispaniya — Primera. 7-tur
28 sentabr, yakshanba. 21:30 MSK
“Barselona” - “Real Sosedad” - 2:1
Gollar: 0:1 - Odriosola – 31'; 1:1 - Kunde – 43'; 2:1 - Levandovski – 59'
