Krishtianu Ronaldu: «Muhim g‘alaba»
«An-Nasr» va Portugaliya terma jamoasi hujumchisi Krishtianu Ronaldu OFK Chempionlar ligasi G‘arbiy mintaqasi 2-turidan o‘rin olgan «Neftchi»ga qarshi uchrashuvdagi g‘alabadan so‘ng o‘z sahifasida post qoldirdi. Saudiya Arabistoni klubi o‘z maydonida kechgan bahsda O‘zbekiston vakilini 3:1 hisobida mag‘lub etdi.
«Bugungi muhim g‘alaba. Rivojlanishda davom etamiz», — deb yozdi Ronaldu ijtimoiy tarmoqdagi X sahifasida.
Eslatib o‘tamiz, portugaliyalik futbolchi uchrashuvning birinchi bo‘limida gol urishga muvaffaq bo‘ldi. Bu uning professional faoliyatidagi 981-goli bo‘ldi.
OFK Chempionlar ligasining keyingi turida Riyod jamoasi BAAning «Al-Vasl» klubiga qarshi bahs olib boradi. Uchrashuv 26 oktyabr kuni Saudiya Arabistonida bo‘lib o‘tadi.
Qayd etish joiz, «Al-Nasr» birinchi turda BAAning yana bir vakili — «Al-Ayn»ga 0:4 hisobida mag‘lub bo‘lgan edi.
OFK Elit Chempionlar ligasi. G‘arbiy mintaqa. 2-tur
«An-Nasr» (Saudiya Arabistoni) — «Neftchi» (O‘zbekiston) — 3:1
Gollar: Anjelo, 33 (1:0), Ronaldu, 42 (2:0), Odilov, 51 (2:1), G‘ofurov, 78 (3:1).
Chetlatish: Alibayev, 65 («Neftchi»).
