Futzal. O'zbekiston milliy jamoasi yig'ini davom etmoqda
O‘zbekiston milliy futzal terma jamoasining navbatdagi o‘quv-mashg‘ulot yig‘ini O‘FA tasarrufidagi Terma jamoalar markazida davom etmoqda.
Bosh murabbiy Bahodir Ahmedov boshchiligidagi murabbiylar shtabi FIFA kunlari doirasida Tojikiston milliy terma jamoasiga qarshi o‘tkaziladigan o‘rtoqlik uchrashuvlariga qizg‘in hozirlik ko‘rmoqda. Yig‘in dasturiga muvofiq, futzalchilar har kuni ikki mahaldan mashg‘ulotlarda ishtirok etishmoqda.
Eslatib o‘tamiz, O‘zbekiston milliy terma jamoasi yig‘in doirasida Tojikiston terma jamoasiga qarshi ikkita o‘rtoqlik uchrashuvida maydonga tushadi.
8-noyabr — dastlabki uchrashuv O‘FA Terma jamoalar markazida, tomonlarning kelishuviga binoan, yopiq eshiklar ortida o‘tkaziladi.
10-noyabr, soat 18:00 — ikkinchi uchrashuv Toshkentdagi “Yunusobod” sport majmuasida bo‘lib o‘tadi.
