Футзал. Ўзбекистон миллий жамоаси йиғини давом этмоқда
Ўзбекистон миллий футзал терма жамоасининг навбатдаги ўқув-машғулот йиғини ЎФА тасарруфидаги Терма жамоалар марказида давом этмоқда.
Бош мураббий Баҳодир Аҳмедов бошчилигидаги мураббийлар штаби ФИФА кунлари доирасида Тожикистон миллий терма жамоасига қарши ўтказиладиган ўртоқлик учрашувларига қизғин ҳозирлик кўрмоқда. Йиғин дастурига мувофиқ, футзалчилар ҳар куни икки маҳалдан машғулотларда иштирок этишмоқда.
Эслатиб ўтамиз, Ўзбекистон миллий терма жамоаси йиғин доирасида Тожикистон терма жамоасига қарши иккита ўртоқлик учрашувида майдонга тушади.
8-ноябрь — дастлабки учрашув ЎФА Терма жамоалар марказида, томонларнинг келишувига биноан, ёпиқ эшиклар ортида ўтказилади.
10-ноябрь, соат 18:00 — иккинчи учрашув Тошкентдаги “Юнусобод” спорт мажмуасида бўлиб ўтади.
