Bruno Gimaraes “arsenal”ga o‘tishdan oldin tunlari uxlay olmaganini tan oldi
“Arsenal” yarim himoyachisi Bruno Gimaraes yozgi transfer oynasida “Nyukasl”ni tark etish qarori unga qanchalik og‘ir kechganini oshkor qildi. Braziliyalik futbolchining aytishicha, sobiq jamoasidan ketish haqida o‘ylagan kunlari u ko‘p tunlarni uyqusiz o‘tkazgan. Bu haqda The Guardian nashri xabar bermoqda.
Manbaga ko‘ra, Gimaraes “Nyukasl” muxlislari, jamoadoshlari va klub xodimlari bilan o‘rnatgan yaqin munosabatlari sababli ketishga uzoq vaqt ikkilanib yurgan. Futbolchi jamoadoshlari bilan xayrlashayotgan paytda ko‘z yoshlarini tiya olmaganini, ayrim sheriklari ham yig‘laganini ta’kidlagan.
Shunga qaramay, braziliyalik yarim himoyachi faoliyatida yangi bosqichni boshlash va yirik sovrinlar uchun kurashish maqsadida “Arsenal” taklifini qabul qilgan. Gimaraes London klubida ham “Nyukasl”dagi kabi muxlislar mehrini qozonishga umid qilayotganini bildirgan. Uning transfer qiymati 75 million funt sterlingni tashkil etgan.
Ma’lumot uchun, Gimaraes 2022-yil yanvar oyida “Lion”dan “Nyukasl”ga o‘tgan. U jamoa bilan 2025-yilda Angliya Liga kubogini qo‘lga kiritgan va klubning 70 yillik ichki sovrinsiz seriyasiga barham berilishiga hissa qo‘shgan.
