Teves birga o‘ynagan eng yaxshi futbolchisini tanladi

O‘tmishning mashhur futbolchisi Karlos Teves bir jamoada to‘p surishga muvaffaq bo‘lgan eng yaxshi futbolchini aytdi.

«Pol Skoulz. Men uchun u eng yaxshi futbolchi. Messi va Ronaldu? Yo‘q. Men uchun — Skoulz. Mashg‘ulotlar qanday o‘tganini eslaysanmi? U hech narsa gapirmasdi, umuman hech narsa. Birinchi to‘pga kelsak... Mashg‘ulotlarda doimo pas, pas, pas. Shuningdek, Andrea Pirlo ham eng yaxshilardan biri», — dedi Teves Rio Ferdinandga bergan intervyusida.

Skoulz 2013-yilda futbolchilik faoliyatini yakunlagan. Yarim himoyachi butun faoliyatini «Manchester Yunayted»da o‘tkazgan. «Qizil iblislar» safida u Angliyaning 11 karra chempioni bo‘lgan va ikki marta Chempionlar ligasida g‘olib chiqqan.

Roziqjon Sultonmurodov

Jurnalist

0 0 0 0 0 0