Kerrik Benyamin Sheshkoning holati haqida ma’lumot berdi
«Manchester Yunayted» bosh murabbiyi Maykl Kerrik jamoa hujumchisi Benyamin Sheshkoning holati haqida gapirdi. Sloveniyalik futbolchi sentyabr oyining o‘rtalaridan beri maydonga tushmayapti.
«Afsuski, Sheshko safdan chiqdi. Hozircha uning qancha muddatga safga qayta olmasligini aniq bilmaymiz, ammo gap ancha uzoq davr haqida ketmoqda.
Bu — bosib o‘tilishi kerak bo‘lgan muayyan jarayon. Tiklanish jarayonida organizmning reaksiyasini kuzatib, keyingi qadamlarni belgilaymiz. Bu borada ish olib bormoqdamiz.
Benyaminning boshidan o‘tkazgan barcha qiyinchiliklarini hisobga olsak, uning ahvoli achinarli. Yana o‘ynay olmayotgani unga qattiq zarba bo‘ldi. Uning imkon qadar tezroq qaytishi uchun qo‘limizdan kelgan barcha ishni qilamiz», — dedi Kerrik matbuot anjumanida.
31 oktabr kuni «Manchester Yunayted» Angliya Premyer-ligasi doirasida mehmonda «Chelsi»ga qarshi bahs olib boradi.
