Пётр Яннинг навбатдаги рақиби ким бўлиши мумкинлиги маълум бўлди
UFCнинг икки вазн тоифасидаги собиқ чемпиони Даниэль Кормье энг енгил вазн тоифасининг амалдаги чемпиони Пётр Ян навбатдаги жангида америкалик Шон О’Меллига қарши октагонга чиқиши кераклигини таъкидлади. Бу ҳақда у Тим Уэлчнинг YouTube каналига берган интервьюсида маълум қилди.
Манбага кўра, Кормье О’Меллини чемпионлик жангига энг муносиб даъвогар деб ҳисоблайди. Унинг фикрича, америкалик спортчининг машҳурлиги ва Ян билан аввалги қарама-қаршилиги ушбу реваншга бўлган қизиқишни янада оширади.
“Ҳақиқат шуки, навбатдаги чемпионлик жанги Шон О’Меллига берилиши керак. Бунга фақат унинг сўнгги ғалабалари сабаб эмас. У дивизионнинг энг катта юлдузи, қолаверса, Пётр билан ўзаро тарихи ҳам бор. Бу жанг энг енгил вазн тоифаси тарихидаги энг йирик тўқнашувлардан бирига айланиши мумкин”, — деди Кормье.
Маълумот учун, Пётр Ян ва Шон О’Мелли 2022 йил октябрь ойида UFC 280 турнирида ўзаро тўқнаш келган. Ўшанда америкалик жангчи ҳакамларнинг иккига бўлинган қарори билан ғалаба қозонган. Энди уларнинг чемпионлик камари учун реванш ўтказиши мумкинлиги муҳокама қилинмоқда.
