Теннис. Ўзбекистонлик ўсмир теннисчилар ярим финалда

Ўзбекистонлик ўсмир теннисчилар ярим финалда.

Фарғонада ўтаётган World Tennis M15 Pepsi Cup халқаро профессионал турнирида Акмал Абдуллаев ва Данила Квасов жуфтлик баҳсларининг ярим финалига йўл олди.

Иккинчи даврада ўсмир теннисчиларимиз Қозоғистон вакили Амир Омарханов ва Ўзбекистон вакили Максим Шиндан иборат жуфтликни 6:3, 6:1 ҳисобида мағлуб этди.

Эртага ярим финалда Акмал Абдуллаев ва Данила Квасов иккинчи рақам остида сараланган Ян Ҳраздил (Чехия) ва Арян Лакшманан (Ҳиндистон) жуфтлигига қарши кортга чиқади.

Ёш теннисчиларимизнинг катталар иштирок этадиган профессионал турнирда ярим финалга чиқиши алоҳида эътирофга лойиқ натижа.

Иброҳим Жалолов

Редактор

0 0 0 0 0 0