Роналду «Олтин тўп» тарихидаги энг яхши соврин эгаси деб топланганига муносабат билдирди
Португалия терма жамоаси ва «Ал-Наср» ҳужумчиси Криштиану Роналду 2008 йилда қўлга киритган «Олтин тўп»и мухлислар овозига кўра, мукофот тарихидаги энг яхшиси деб топланганидан сўнг ўз муносабатини билдирди.
41 ёшли футболчи 18 йил аввал қўлга киритган соврини билан тушган суратини ижтимоий тармоққа жойлаб, бутун дунёдаги мухлисларига миннатдорчилик билдирди.
«Футбол мухлисларга тегишли! Бутун дунёдаги барча мухлисларга раҳмат! Барча даврларнинг энг яхши «Олтин тўпи» сизларга ҳам тегишли», — деб ёзган Роналду.
Маълумот учун, овоз беришда камида икки марта «Олтин тўп»ни қўлга киритган футболчиларнинг совринлари иштирок этган. Овоз бериш учун 1 евро тўлов талаб қилинган. Роналду фаолияти давомида беш марта «Олтин тўп» соҳиби бўлган. Бу борада рекорд саккизта совринга эга Лионель Мессига тегишли.
