\"Турон\" эcингиздами? Яйпанга катта футбол қайтди, фақат бошқа ном билан!
“Турон” профессионал футбол клуби ўз фаолиятини якунлаганлиги ҳақида аввалроқ хабар берган эдик. Клуб собиқ матбуот котиби Бекзод Толиповнинг хабар беришича, Яйпанга катта футбол яна қайтди!
Вазиятга ойдинлик киритиш мақсадида sports24.uz собиқ “Турон”нинг маҳаллий мураббийлар штаби билан боғланди.
Гап шундаки, Фарғона вилоятининг Ўзбекистон туманида янги футбол клуби ташкил этилди. Бу сафар ёш клуб “Яйпан” номи билан мусобақаларда иштирок этади. “Яйпан” жамоаси “Яйпан” шаҳрида жойлашган ва фаолияти якунланган “Турон”нинг инфратузилмасидан фойдаланади.
“Тулпорлар”га тегишли бўлган клуб базаси ва у ердаги футбол майдони юртимиздаги энг яхшиларидан бири ҳисобланади.
Маҳаллий ёшларга эътибор қилишни мақсад қилган “Яйпан” жамоаси давлат томонидан молиялаштирилиши айтилмоқда.
Клубнинг янги логотипидаги шакллар Ўзбекистон, Қирғизистон ва Тожикистон президентлари томонидан ташкил қилинган “Дўстлик” стеласи рамзини акс эттиради.
