Тьерри Анри Ламин Ямал билан боғлиқ ҳазили учун тушунтириш берди
Франция терма жамоасининг собиқ ҳужумчиси Тьерри Анри «Олтин тўп» маросимида Ламин Ямалга айтган ҳазили атрофида юзага келган баҳсларга муносабат билдирди. Афсонавий футболчи ёш испанияликни камситиш нияти бўлмаганини таъкидлади. Бу ҳақда Foot Mercato нашри хабар бермоқда.
Манбага кўра, Ямал кетма-кет учинчи бор Копа совринини қўлга киритганидан сўнг Анри ундан айнан шу мукофотни ютишни хоҳлаганми, деб ҳазиллашган. Бу савол асосий «Олтин тўп» совринига ишора сифатида қабул қилинган. Ямал эса кулиб, барча мукофотларни қўлга киритишни исташини айтган.
Мазкур ҳолат ижтимоий тармоқларда турлича баҳоланган. Айрим фойдаланувчилар Анрининг сўзларини ёш футболчига нисбатан танқид деб қабул қилган. Бироқ франциялик собиқ ҳужумчи бундай фикрларни рад этиб, Ямалнинг ўйинини жуда қадрлашини ва унинг катта мухлиси эканини билдирган.
Маълумот учун, Ламин Ямал 2026-йилги «Олтин тўп» учун овоз беришда учинчи ўринни эгаллаган. Асосий мукофот Гарри Кейнга, иккинчи ўрин эса Килиан Мбаппега насиб этган. Ямал эса ёш футболчилар учун мўлжалланган Копа совринини яна бир бор қўлга киритган.
