Кукурельянинг рафиқаси Испаниядаги темирйўл ҳалокатидан қандай омон қолганини айтди
Испания терма жамоаси ҳимоячиси Марк Кукурельянинг рафиқаси Клаудия Родригес мамлакатда юз берган йирик темирйўл ҳалокатидан кейин ўзи ҳам шу йўналишда сафар қилганини маълум қилди. Унинг сўзларига кўра, у ҳалокатга учраган поезддан кейин ҳаракатланган бошқа поездда бўлган. Бу ҳақда Championat нашри хабар бермоқда.
Манбага кўра, Родригес Мадрид шаҳридаан Малагага йўл олган. Бироқ олдинда содир бўлган фожиадан сўнг унинг поезди ҳаракатни давом эттира олмаган. Аёл ижтимоий тармоқларда воқеадан қаттиқ ларзага тушганини билдириб, жабрланганларнинг яқинларига ҳамдардлик изҳор этган.
Родригес ўзи ва бошқа йўловчилар хавфсиз эканини ҳам маълум қилган. Унинг тушунтиришича, улар кетаётган поезд билан ҳалокат содир бўлган жой ўртасида етарлича масофа бўлган. Шу сабаб поезд зарар кўрмаган ва йўловчилар ортга, Мадридга қайтишга мажбур бўлган.
Маълумот учун, 28 октябрь куни Испаниянинг Толедо провинциясида иккита юқори тезликдаги поезд тўқнашган. Ҳодиса кўплаб инсонларнинг ҳалок бўлиши ва жароҳатланишига сабаб бўлган. Фожиадан кейин мамлакат футбол жамоалари ва спортчилари ҳам жабрланганларга ҳамдардлик билдирган.
