“Реал Мадрид” ва “Барселона” Ҳарри Кейнни трансфер қилишга уринган — Романо
Испаниянинг “Реал Мадрид” ва “Барселона” клублари 2026 йилги “Олтин тўп” соҳиби Ҳарри Кейнни ўз сафига қўшиб олиш имкониятини кўриб чиққан. Ҳар икки клуб англиялик ҳужумчининг вакиллари билан боғланган. Бу ҳақда таниқли трансфер инсайдери Фабрицио Романо ўзининг YouTube каналида хабар бермоқда.
Манбага кўра, Мадрид ва Каталония клублари ўтган ёзги мавсумолди тайёргарлик даврида Кейннинг трансферига қизиқиш билдирган. Бироқ футболчи томони “Бавария” билан амалдаги шартномага эътибор қаратаётганини маълум қилган. Шу сабабли музокаралар жиддий босқичга ўтмаган.
Романонинг таъкидлашича, Кейн Германия клубида қолишни истаган ва бошқа жамоаларнинг таклифларини кўриб чиқишга тайёр бўлмаган. Натижада Испаниянинг икки гранди ҳужумчини трансфер қилиш борасида кейинги қадамларни ташламаган.
Маълумот учун, Ҳарри Кейн 2023 йилда “Тоттенҳэм”дан “Бавария”га ўтган. Англиялик ҳужумчи 2026 йилда фаолиятида илк бор “Олтин тўп” мукофотини қўлга киритди.
