Мбаппе — Ла Лиганинг октябрь ойидаги энг яхши футболчиси

Мадриднинг «Реал» клуби марказий ҳужумчиси Килиан Мбаппе Испания чемпионатининг октябрь ойидаги энг яхши футболчиси деб эътироф этилди. Бу ҳақда Ла Лиганинг расмий сайти хабар берди.

Ўтган ойда франциялик футболчи «қаймоқранглилар» сафида барча мусобақалар доирасида бешта учрашувда иштирок этиб, олтита гол ва битта голли узатма муаллифига айланди.

Мухлислар ўртасидаги овоз бериш жараёнида Мбаппе Ламин Ямал («Барселона»), Гонсалу Гедеш («Реал Сосьедад»), Алехандро Гримальдо («Атлетико») ва Матиас Дитурони («Эльче») ортда қолдирди.

Испания чемпионатининг 12-туридан кейин «Реал» турнир жадвалида иккинчи ўринни эгаллаб турибди. Мадридликлар пешқадам «Барселона»дан уч очкога ортда қолмоқда.

Розикжон Султонмуродов

Журналист

0 0 0 0 0 0