Лионель Месси Испанияда минглаб мухлислар томонидан кутиб олинди
Аргентиналик футбол юлдузи Лионель Месси Испаниянинг Овьедо шаҳрига ташриф буюрди. Футболчи 2026 йилги Астурия маликаси номидаги спорт мукофотини қабул қилиш учун мамлакатга келган. Унинг ташрифи мухлислар орасида катта қизиқиш уйғотди. Бу ҳақда EFE ахборот агентлиги хабар бермоқда.
Манбага кўра, Месси 22 октябрь куни Овьедога етиб келган ва шаҳар марказидаги меҳмонхона олдида юзлаб мухлислар томонидан кутиб олинган. Аргентиналик футболчи мухлислар билан суратга тушиб, уларга автограф берган. Шундан сўнг у шаҳардаги Спорт саройида ташкил этилган махсус тадбирда иштирок этган.
Месси билан учрашувга олти мингдан ортиқ киши, асосан болалар ва ўсмирлар ташриф буюрган. Тадбир давомида футболчи ёшларга ўз тажрибаси билан ўртоқлашиб, спортда меҳнатсеварлик, ҳурмат ва мағлубиятлардан сабоқ чиқариш муҳимлигини тушунтирган. У шунингдек, футбол натижаларидан қатъи назар, ўйиндан завқ олиш кераклигини таъкидлаган.
Маълумот учун, Месси 2026 йилги Астурия маликаси спорт мукофотига футболчилик фаолиятидаги ютуқлари ҳамда хайрия ишлари учун муносиб кўрилган. Мукофотни топшириш маросими 23 октябрь куни Овьедодаги “Кампоамор” театрида ўтказилиши белгиланган.
