«Бавария»нинг собиқ футболчиси «Олтин тўп» мукофотини «масхарабозлар танлови» деб атади
«Бавария» ва Германия терма жамоасининг собиқ футболчиси Маркус Баббель «Олтин тўп» мукофотини кескин танқид қилди. 54 ёшли мутахассис футбол жамоавий спорт тури экани сабабли бундай индивидуал совринларни умуман бекор қилиш кераклигини таъкидлади. Бу ҳақда Германиянинг ран нашри хабар бермоқда.
Манбага кўра, Баббель «Олтин тўп» учун ўтказиладиган овоз беришни «дунёдаги энг катта масхарабозлар танлови» деб атаган. Собиқ футболчи айрим футболчилар ёки бутун бошли клубларнинг вакиллари совринни қўлга кирита олмаганида хафа бўлишини кулгили ҳолат деб ҳисоблашини айтган.
Шунга қарамай, Баббель мукофот спортдаги ҳақиқий натижаларга қараб бериладиган бўлса, «Бавария» ҳужумчиси Ҳарри Кейн бунга энг муносиб номзодлардан бири эканини таъкидлаган. Унинг фикрича, англиялик футболчи Европанинг кучли чемпионатларида бошқаларга қараганда ёрқинроқ ўйин намойиш этган.
Маълумот учун, 2026 йилги «Олтин тўп» мукофотини топшириш маросими 26 октябрь куни Лондонда бўлиб ўтади. France Football журнали ва UEFA ҳамкорлигида ташкил этиладиган тадбирда йилнинг энг яхши футболчиси аниқланади. Ўтган йили ушбу мукофотни «Пари Сен-Жермен» ҳужумчиси Усмон Дембеле қўлга киритган.
