«Ан Наср» сотувга қўйилиши, Роналду эса клуб акцияларини харид қилиши мумкин
«Ан Наср» сотувга қўйилиши, Роналду эса клуб акцияларини харид қилиши мумкин
Саудия Арабистони клуби 184 миллион евролик қарз сабаб янги инвесторлар эътиборига тушган.
«Ан Наср» клуби қарзлари 184 миллион еврога етгани сабаб сотувга қўйилиши мумкин. The Touchline нашри Bloomberg маълумотларига таяниб хабар беришича, «Милан» ва «Тулуза» клублари эгалари бўлган RedBird Capital Partners компанияси Саудия Арабистони жамоасига сармоя киритиш бўйича музокаралар олиб бормоқда.
Шунингдек, «Ан Наср» ҳужумчиси Криштиану Роналду клуб акцияларининг 20 фоизигача бўлган қисмини харид қилиши мумкин. Бу амалга ошса, португалиялик футболчи жамоанинг ҳам футболчиси, ҳам ҳаммулкдорига айланади.
Маълумот учун, Саудия Арабистони чемпионатининг саккиз туридан сўнг «Ан Наср» 19 очко билан турнир жадвалида учинчи ўринда бормоқда. Жамоа пешқадам «Ал Ҳилол»дан беш очко ортда қолган.
Эслатиб ўтамиз, Роналду ушбу мавсумда чемпионатда тўртта гол урган. Тўпурарлар пойгасида эса 11 та гол билан «Ал Аҳли» ҳужумчиси Айван Тони етакчилик қилмоқда.
