Раҳматилло Бойматовдан муддатидан олдин ғалаба
Раҳматилло Бойматовдан муддатидан олдин ғалаба.
Айни вақтда Саудия Арабистонининг Ар-Риёд шаҳрида Zuffa Boxing томонидан ташкил этилган профессионал бокс оқшоми давом этмоқда.
Аввал хабар берганимиздек, мазкур кечада икки нафар ҳамюртимиз — Раҳматилло Бойматов ҳамда Жаҳонгир Зокиров навбатдаги жангларини ўтказишмоқда.
Ҳамюртимиз Раҳматилло Бойматов иштирокидаги жанг ўз якунига етди. У ганалик Моро Канлага (11-2, 9 KO) қарши рингга кўтарилди.
Қувонарлиси, Бойматов рақибини биринчи раунднинг ўзидаёқ нокаутга учратиб, ишончли ғалабани қўлга киритди. Шу тариқа, ҳамюртимиз профессионал рингдаги ғалабалари сонини иккитага етказди (2-0).
Айни дамда терма жамоамиз катта мураббийи Акмал Ҳасанов Жаҳонгир Зокировни жангига тайёрламоқда.
Фурсатдан фойдаланиб, Жаҳонгир Зокировга ҳам бўлажак жангда омад ва ғалаба тилаймиз!
