Тожикистон Умонни енгиб, Таиланд қирол кубогида финалга чиқди

Таиландда 52-халқаро «King‘s Cup 2026» турнирининг яримфинал учрашувлари ўтказилди. Тожикистон миллий жамоаси Умон билан баҳслашиб, минимал ҳисобда ғалаба қозонди. Учрашувдаги ягона голни 60-дақиқада Шериддин Бобоев урди.

Эндиликда Игор Ангеловски бошқарувидаги тожикистонликлар турнир финалида 17 ноябрь куни мезбонларга қарши баҳс олиб боради. Таиланд яримфиналда Бруней дарвозасига жавобсиз 6 та гол урди. Учинчи ўрин учун баҳсда эса Умон ва Бруней ўзаро куч синашади.

Қирол кубоги-2026
Умон — Тожикистон 0:1
Гол: Бобоев 60.
Тожикистон — Олег Баклов, Зоир Жўрабоев, Табрез Исломов, Алижон Кароматуллозода, Ваҳдат Ханонов, Амирбек Жўрабоев, Парвиз Умарбоев, Назим Бобожонов, Эҳсони Паншанбе, Шервони Мабатшоев, Шериддин Бобоев.

Иброҳим Жалолов

Редактор

0 0 0 0 0 0