Rahmatillo Boymatovdan muddatidan oldin g‘alaba
Rahmatillo Boymatovdan muddatidan oldin g‘alaba.
Ayni vaqtda Saudiya Arabistonining Ar-Riyod shahrida Zuffa Boxing tomonidan tashkil etilgan professional boks oqshomi davom etmoqda.
Avval xabar berganimizdek, mazkur kechada ikki nafar hamyurtimiz — Rahmatillo Boymatov hamda Jahongir Zokirov navbatdagi janglarini o‘tkazishmoqda.
Hamyurtimiz Rahmatillo Boymatov ishtirokidagi jang o‘z yakuniga yetdi. U ganalik Moro Kanlaga (11-2, 9 KO) qarshi ringga ko‘tarildi.
Quvonarlisi, Boymatov raqibini birinchi raundning o‘zidayoq nokautga uchratib, ishonchli g‘alabani qo‘lga kiritdi. Shu tariqa, hamyurtimiz professional ringdagi g‘alabalari sonini ikkitaga yetkazdi (2-0).
Ayni damda terma jamoamiz katta murabbiyi Akmal Hasanov Jahongir Zokirovni jangiga tayyorlamoqda.
Fursatdan foydalanib, Jahongir Zokirovga ham bo‘lajak jangda omad va g‘alaba tilaymiz!
