Superliga. “Neftchi” “Mash'al” maydonidan yirik hisobdagi g'alaba bilan qaytdi
O'zbekiston Superligasi 5-turidan o'rin olgan bahsda Farg'onaning “Neftchi” klubi “Mash'al” maydoniga safar qildi va yirik 4:1 hisobida g'alaba qozondi.
Dastlab, hisob 6-daqiqada Bilolxon Toshmirzayev tomonidan ochildi. Birinchi bo'lim so'nggida Jamshid Iskanderov tablodagi farqni ikkitaga yetkazdi.
Birinchi bo'limga qo'shib berilgan daqiqalarda Sardor Abduraimov mezbonlarning yagona javob to'piga mualliflik qildi. 58-daqiqada Yovan Jokich oradagi farqni yana ikkitaga yetkazib qo'ydi.
90-daqiqada esa Anvarjon G'ofurov uchrashuvga yakuniy nuqta qo'ydi. Shu tariqa, “Neftchi” bugungi g'alabadan so'ng o'z ochkolari hisobini 9 taga yetkazib olib, turnir jadvalida 3-o'ringa ko'tarilib oldi.
O'zbekiston Superligasi | 5-tur
“Mash'al” 1:4 “Neftchi”
Gollar: Bilolxon Toshmirzayev 6' (0:1), Jamshid Iskanderov 43' (0:2), Sardor Abduraimov 45+3' (1:2), Yovan Jokich 58' (1:3), Anvarjon G'ofurov 90' (1:4).
