Jek Grilish “Everton”ning navbatdagi uchrashuvini ham o‘tkazib yuboradi
“Everton” yarim himoyachisi Jek Grilish jamoaning navbatdagi uchrashuvida ham maydonga tushmaydi. Klub bosh murabbiyi Devid Moyes 31 yoshli futbolchining “Koventri”ga qarshi bahsda ishtirok etmasligini tasdiqladi. Bu haqda Football Presse nashri xabar bermoqda.
Manbaga ko‘ra, Grilish klubning ichki tartib-qoidalarini buzgani sababli asosiy tarkibdan chetlatilgan. Angliyalik futbolchi mashg‘ulotlardan birini ruxsatsiz qoldirgani ortidan unga nisbatan intizomiy chora qo‘llangan. Shu sababli yarim himoyachi jamoaning avvalgi uchrashuvlarida ham ishtirok etmagan.
Devid Moyes futbolchining jamoaga qaytish imkoniyatini inkor etmadi. Biroq mutaxassis Grilish qachon yana maydonga tushishi mumkinligiga aniqlik kiritmadi. Hozircha uning keyingi uchrashuvlarda ishtirok etishi masalasi ochiqligicha qolmoqda.
Ma’lumot uchun, Jek Grilish “Manchester Siti”dan “Everton”ga ijara asosida o‘tgan. Angliyalik yarim himoyachi joriy mavsumda oltita uchrashuvda maydonga tushgan. Uning “Manchester Siti” bilan amaldagi shartnomasi 2027-yil yoziga qadar mo‘ljallangan.
