2026 WTA finals. Andreyeva guruh bosqinchini yuz foizlik natija bilan yakunlandi
Indian-Uells shahrida professional tennischi ayollar o‘rtasidagi yilning yakuniy musobaqasi — WTA Finals turnirida guruh bosqichi bahslari o‘z yakuniga yetdi.
Ikkinchi guruhning so‘nggi turidan avval ketma-ket ikki mag‘lubiyat alamini totgan chexiyalik Karolina Muxova o‘z o‘rnini zaxira o‘yinchisi — Diana Shnayderga bo‘shatib berdi.
Bu o‘zgarish rossiyalik Mirra Andreyevaning ishonchli yurishiga zarracha ta’sir qilmadi. U so‘nggi turda Shnayderni 6:2, 6:1 hisobida mag‘lub etib, guruh bosqichini yuz foizlik natija bilan yakunlagan yagona tennischiga aylandi.
Guruhdagi yana bir uchrashuvda ukrainalik Elina Svitolina jahonning sobiq birinchi raqamli tennischisi Arina Sabalenkani uch setda — 6:3, 3:6, 6:1 hisobida dog‘da qoldirdi. Ushbu mag‘lubiyat belaruslik tennischining turnirdagi ishtirokiga yakun yasadi.
Yarim final juftliklari:
Mirra Andreyeva va Jessika Pegula
Elina Svitolina va Linda Noskova
Turnirning hal qiluvchi bahslari yanada qizg‘in va murosasiz kurashlarga boy bo‘lishi kutilmoqda.
