Osiyo millatlar kubogi: O‘zbekistonning har ikkala terma jamoasi navbatdagi g‘alabaga erishdi
Osiyo millatlar kubogi: O‘zbekistonning har ikkala terma jamoasi navbatdagi g‘alabaga erishdi.
Abu-Dabida davom etayotgan Osiyo millatlar kubogida O‘zbekiston erkaklar va ayollar terma jamoalari o‘z navbatdagi uchrashuvlarini g‘alaba bilan yakunladi.
Erkaklar terma jamoasi
5-turda hamyurtlarimiz Shri-Lankani 3,5:0,5 hisobida mag‘lub etdi. To‘rt taxtaning uchtasida g‘alaba, bittasida esa durang qayd etildi.
Shunday qilib, erkaklar terma jamoasi 5 turdan so‘ng 6 jamoaviy ochko bilan 6-o‘ringa ko‘tarildi.
Ayollar terma jamoasi
3-turda qizlarimiz Mog‘ulistonni 4:0 hisobida mag‘lub etdi.
To‘rttala taxtada ham g‘alaba qozongan hamyurtlarimiz 3 turdan so‘ng 4 jamoaviy ochko bilan 2-o‘ringa ko‘tarildi.
Bugun, 14-noyabr kuni erkaklar terma jamoamiz 6-turda Qozog‘istonga, ayollar terma jamoamiz esa 4-turda Xitoyga qarshi o‘ynaydi.
