Jahongir Zokirovdan ishonchli g‘alaba
Saudiya Arabistonining Ar-Riyod shahrida Zuffa Boxing tashkiloti tomonidan o‘tkazilayotgan professional boks oqshomida yana bir vakilimiz Jahongir Zokirov ham o‘z jangini o‘tkazdi.
Og‘ir vazn toifasidagi bahsda Zokirov kanadalik Brandon Kolantanio (8-2, 1 KO)ga qarshi ringga ko‘tarildi.
Terma jamoamiz katta murabbiyi Akmal Hasanovning burchakdagi ko‘rsatmalarini olgan vakilimiz raqibini birinchi raundning o‘zida qiyin ahvolga solib qo‘ydi. Ikki bora nokdaun holatiga uchragan kanadalik bokschi birinchi raundni arang tugatib oldi. Kolantianoning murabbiylari ikkinchi raundga chiqa olmasligini bildirishdi va texnik nokaut bilan Zokirov g‘alabaga erishdi.
Shu tariqa, Jahongir Zokirov professional ringdagi g‘alabali yurishini davom ettirib, rekordini 3-0 ko‘rinishiga yetkazdi!
