locale ЎЗ
OZ - o'zbekcha ЎЗ - ўзбекча

Ҳинд шахматчиси ўз ватандошига эмас, Жавоҳир Синдаровга 80% имконият берди

Жавоб берган 13 нафар шахматчидан 7 таси Синдаровни устун қўйди, 5 таси имкониятларни 50-50 деб баҳолади ва фақат 1 таси Гукешни танлади.
Бошқа спорт турлари
Ҳинд шахматчиси ўз ватандошига эмас, Жавоҳир Синдаровга 80% имконият берди
photo: gettyimages

Ҳинд шахматчиси ўз ватандошига эмас, Жавоҳир Синдаровга 80% имконият берди.

FIDE жаҳон тожи учун матч олдидан 14 нафар топ шахматчига битта савол билан мурожаат қилди: "Гукеш — Синдаров матчида ғалаба қозониш имкониятларини фоизларда қандай тақсимлайсиз?"

Жавоб берган 13 нафар шахматчидан 7 таси Синдаровни устун қўйди, 5 таси имкониятларни 50-50 деб баҳолади ва фақат 1 таси Гукешни танлади.

Синдаровни фаворит деб билганлар:

Аржун Эригайси: 80–20 — энг катта фарқ! Гукешнинг ватандоши Олимпиададан кейинги спорт формасига қараб Синдаровга 80% имконият берди.

Ян Непомнящий: 65–35 — Жаҳон чемпионлиги учун икки карра матч иштирокчиси имкониятларни 2 га 1 нисбатда Синдаров фойдасига баҳолади.

Левон Аронян: 60–40 — Синдаров фойдасига.

Фабиано Каруана: дастлаб 60–40, сўнг эҳтиёткорроқ тахмин сифатида 55–45 — Синдаров фойдасига.

Ян-Кшиштоф Дуда: 55–45 (ёки 60–40) — Синдаровга устунлик берди, аммо матч кўпчилик ўйлаганидан анча мураккаб кечишини айтди.

Бибисара Ассаубаева: 50.1–49.9 — кичик устунлик билан Синдаров томонида.

Алиреза Фирузжа: аниқ фоиз айтмади, бироқ Синдаровни фаворит деб атади.

50–50 (тенг имконият) деганлар:

Ҳанс Ниманн: 50–50 — "Ё ундай бўлади, ё бундай, демак 50-50" дея ҳазил қилди.

Прагнанандҳа Р: тахминан 50–50 га яқин.

Максим Ваше-Лаграв: ҳозирги ҳолатда 50–50.

Йорден ван Форест: 50–50 дан яхшироқ тахмин айта олмаслигини билдирди.

Ҳайк Мартиrosян: 50–50, лекин ҳаммаси Гукешнинг энг яхши формасида келиш- келмаслигига боғлиқ эканини қўшимча қилди.

Гукешни устун қўйган ягона шахматчи:

Вайшали Рамешбабу: 51–49 — Прагнанандҳанинг опаси Гукешга мухлислигини очиқ айтиб, унга 1 фоиз устунлик берди.

Фоиз айтмаган ягона иштирокчи:

Винсент Кеймер: Синдаров ўтган йилги Жаҳон кубогидан бери ажойиб натижалар кўрсатаётганини, Гукеш эса бир қатор турнирларда қийналганини, аммо жуда кескин матч кутаётганини айтди.

Сиз қандай ҳисоблайсиз? Изоҳларда ўз тахмингизни ёзиб қолдиринг.

Sports24.uz Бизни кузатинг
Асосий воқеаларни кузатиб боринг! Янгиликлар, натижалар ва спортдаги энг ёрқин лаҳзалар. Кузатинг ва энг муҳим воқеалардан хабардор бўлинг!
Изоҳлар
Изоҳ қолдириш учун рўйхатдан ўтинг