Шерзод Жўраев: Барибир 10 киши бўлиб қолганимиз ўз таъсирини ўтказди
Ўзбекистон Суперлигасининг 26-туридан ўрин олган "Қўқон-1912" - "Навбаҳор" (2:0) учрашувидан кейинги матбуот анжумани биринчи қисмида меҳмонлар бош мураббийи Шерзод Жўраев иштирок этиб, ОАВ ходимларининг саволларига жавоб берди. Одатдагидек, "лоchinлар" устози ўз сўзини ўйин ҳақидаги фикрлари билан бошлади.
— Бугун ҳар икки жамоа ҳам чиройли ўйин намойиш этди. "Навбаҳор"нинг ўйини борасида тўхталадиган бўлсам, биринчи бўлимда футболчимиз қизил карточка олганидан сўнг, анча вақт давомида бир киши кам бўлиб ўйнашган бўлсалар-да, шогирдларим ҳужумкор ўйин намойиш этишди. Аммо учрашувнинг асосий вақтига тўхташлар учун қўшиб берилган дақиқаларда барибир 10 киши бўлиб қолганимиз ўз таъсирини ўтказди ҳамда хатоларимиз эвазига ўз дарвозамиздан 2 та тўп ўтказиб юбордик.
Намангандан ушбу ўйинга кўплаб мухлислар ташриф буюришгани бизни хурсанд қилди. Мақсадимиз уларни хурсанд қилиш эди. Лекин бунга эришолмадик.
— "Навбаҳор" кейинги учрашувни ўз майдонида "Насаф"га қарши ўтказади. Жамоа бўлажак ўйинда рақибни мағлубиятга учрата оладими?
— Жамоага бош мураббий этиб тайинланганимдан сўнг, йигитлар билан гаплашиб, уларнинг нималарга қодир эканликларини тинмай таъкидлаяпмиз. Мақсадимиз — мухлислиларга қувонч улашиш. Бироқ, бундай ўйин билан уларни хурсанд қила олмаймиз. Бугунги учрашувни таҳлил қилган ҳолда, хато ва камчиликларни кўриб чиқамиз.
Қолган ўйинларда барча имкониятимизни ишга солишга ҳаракат қиламиз.
