Ламин Ямал Мбаппенинг тарихий рекордини янгилади!
Испаниялик футболчи 20 ёшга тўлмасдан мусобақада энг кўп гол урган ўйинчига айланди.
Футбол
Фото: Getty Images
«Барселона»нинг 19 ёшли ҳужумчиси Ламин Ямал Чемпионлар лигасида яна бир тарихий натижага эришди. Испаниялик футболчи 20 ёшга тўлмасдан мусобақада энг кўп гол урган ўйинчига айланди. Бу ҳақда УЕФА расмий сайти хабар бермоқда.
Манбага кўра, Ямал «Астон Вилла»га қарши учрашувда гол уриб, Чемпионлар лигасидаги голлари сонини 14 тага етказган. Шу тариқа у Килиан Мбаппенинг 13 голлик рекордини янгилаган.
Ямал ушбу натижага атиги 37 та учрашувда эришди. Футболчи 2027 йилнинг июль ойида 20 ёшга тўлади ва шу вақтга қадар рекордини янада яхшилаш имкониятига эга.
Маълумот учун, Ламин Ямал Чемпионлар лигасидаги 37 та ўйинида 14 та гол ва 13 та голли узатмани амалга оширган.
