Lamin Yamal Mbappening tarixiy rekordini yangiladi!

“Barselona”ning 19 yoshli hujumchisi Lamin Yamal Chempionlar ligasida yana bir tarixiy natijaga erishdi. Ispaniyalik futbolchi 20 yoshga to‘lmasdan musobaqada eng ko‘p gol urgan o‘yinchiga aylandi. Bu haqda UEFA rasmiy sayti xabar bermoqda.

Manbaga ko‘ra, Yamal “Aston Villa”ga qarshi uchrashuvda gol urib, Chempionlar ligasidagi gollari sonini 14 taga yetkazgan. Shu tariqa u Kilian Mbappening 13 gollik rekordidan o‘zib ketgan.

Yamal ushbu natijaga atigi 37 ta uchrashuvda erishdi. Futbolchi 2027-yilning iyul oyida 20 yoshga to‘ladi va shu vaqtgacha rekordini yanada yaxshilash imkoniyatiga ega.

Ma’lumot uchun, Lamin Yamal Chempionlar ligasidagi 37 ta o‘yinida 14 ta gol va 13 ta golli uzatmani amalga oshirgan.

Nasrullo Karimov

Jurnalist

2 1 2 0 0 0