\"Атлетико\" Облакка ўринбосар топди
Мадрид клуби музокараларни бошлаш арафасида
Фото: Getty Images
“Мальорка” дарвозабони Лео Роман фаолиятини Мадриднинг “Атлетико” клубида давом эттириши мумкин. Бу ҳақда АS хабар тарқатмоқда.
Манбада айтилишича, Мадрид клуби 24 ёшли посбонни дарвоза позициясини кучайтириш учун асосий номзод сифатида кўрмоқда. Бу орқали клуб Облакка ўринбосар сифатида айнан Романни муносиб деб ҳисоблашмоқда.
Испаниялик дарвозабоннинг “Мальорка” билан шартномаси 2026 йилгача мўлжалланган, унинг товон пули эса 10 миллион евро.
Ўтган мавсумда Ла Лигада Роман 7 ўйинда қатнашди ва 10 бор ўз дарвозасидан тўп ўтказиб юборди.
Розикжон Султонмуродов
Журналист