Superliga 3-turining yakuniy o‘yinlari qanday kechdi?
29 mart kuni O‘zbekiston Superligasi doirasidagi so‘nggi uchrashuvlar bo‘lib o‘tdi.
Birinchi bahsda «Nasaf» «Neftchi»ni qabul qildi. O‘yin 0:0 hisobida durang bilan yakunlandi.
«Nasaf» yettinchi, «Neftchi» esa to‘qqizinchi o‘rinni egalladi.
Ikkinchi uchrashuvda «Mash’al» «So‘g‘diyona» jamoasiga qarshi maydon egasi bo‘ldi va minimal hisobda - 1:0 g‘alaba qozonib, uchinchi turdan so‘ng 11-pog‘onani band etdi. O‘z navbatida «So‘g‘diyona» 14-o‘ringa tushib qoldi.
Uchinchi turning yakuniy o‘yinida «Paxtakor» o‘z maydonida «Dinamo Samarqand» klubini qabul qildi va 0:1 hisobida mehmonlar g‘olib chiqdi. «Dinamo Samarqand» hozircha uchinchi, «Paxtakor» esa 15-o‘rinda turibdi.
O‘zbekiston Superligasi. Uchinchi tur:
Nasaf - Neftchi - 0:0
Mash’al - So‘g‘diyona - 1:0
Gollar: Baratov 45+2
Paxtakor - Dinamo Samarqand - 0:1
Gollar: Xo‘jamirzayev 62.
