Superliga. “Nasaf” - “Neftchi” uchrashuvi uchun PREVYU
Bugun O'zbekiston Superligasining 3-turidan o'rin olgan yana bir markaziy uchrashuvda Qarshining “Nasaf” klubi o'z maydonida Farg'onaning “Neftchi” klubini qabul qiladi.
Jamoalar hozirga qadar milliy chempionatimiz doirasida 52 bor to'qnash kelishgan. Ularning 22 tasida “Nasaf”ning qo'li baland kelgan bo'lsa, 19 tasida “Neftchi” zafar quchgan.
11 ta o'yinda esa durang natija qayd etilgan. To'plar nisbati 68-58, qarshiliklar foydasiga.
“Nasaf”ning “Neftchi” ustidan qozongan eng yirik g'alabasi 2003-yilda 4:1 hisobida qayd etilgan. Farg'onaliklar esa 1999-yilda qarshiliklarni 4:0 hisobida mag'lub etgan.
Eslatib o'tamiz, “Nasaf” va “Neftchi” o'rtasidagi dramatik uchrashuv bugun, 29-mart kuni Toshkent vaqti bilan soat 18:30 da Qarshidagi “Markaziy” stadionida start oladi.
