Frank Eza qishda «Nitsa»ni tark etmaydi — manba

«Nitsa» rahbariyati hozircha bosh murabbiy Frank Ezaning iste’fosi haqida o‘ylamayapti, garchi jamoaning so‘nggi natijalari ijobiy bo‘lmasa ham. Bu haqda L’Équipe xabar berdi.

Manbaga ko‘ra, Liga 1 klubi rahbariyati hozirda jamoani qishki transfer oynasida kuchaytirishga e’tibor qaratmoqda va yangi murabbiy izlash masalasi kun tartibida yo‘q.

Hozirgi vaqtda «Nitsa» 17 ochko bilan Fransiya chempionati turnir jadvalida 9-o‘rinda. Jamoa so‘nggi uchta o‘yinda mag‘lub bo‘lgan: «Pari Sen-Jermen»ga 0:1, «Metz»ga 1:2 va «Marsel»ga 1:5 hisobida.

Nasrullo Karimov

Jurnalist

0 0 0 0 0 0