Франк Эза қишда «Ницца»ни тарк этмайди — манба
Франция клуби янги мураббий излаётгани йўқ.
ФОТО: Getty Images
«Ницца» раҳбарияти ҳозирча бош мураббий Франк Эзанинг истеъфоси ҳақида ўйламаяпти, гарчи жамоанинг сўнгги натижалари ижобий бўлмаса ҳам. Бу ҳақда L’Équipe хабар берди.
Манбага кўра, Лига 1 клуби раҳбарияти ҳозирда жамоани қишки трансфер ойнасида кучайтиришга эътибор қаратмоқда ва янги мураббий излаш масаласи кун тартибида йўқ.
Ҳозирги вақтда «Ницца» 17 очко билан Франция чемпионати турнир жадвалида 9-ўринда. Жамоа сўнгги учта ўйинда мағлуб бўлган: «Пари Сен-Жермен»га 0:1, «Мец»га 1:2 ва «Марсель»га 1:5 ҳисобида.
