De Zerbi: «Endi biz haqiqiy jamoa sifatida o‘ynayapmiz»
Londonning «Tottenhem» klubi bosh murabbiyi Roberto De Zerbi jamoa o‘yinida yuz bergan o‘zgarishlar haqida gapirdi.
«Biz kuchli jamoaga aylandik. “Manchester Yunayted”ga qarshi o‘yindan oldin yaxshi futbol namoyish etayotganimiz haqida o‘ylardim, ammo jamoa sifatida emas. Hozir esa bir jamoa kabi fikrlayapmiz, bir jamoa bo‘lib o‘ynayapmiz va bir-birimizga yordam beryapmiz. Futbolda bu juda katta ahamiyatga ega», — dedi De Zerbi matbuot anjumanida.
Eslatib o‘tamiz, «Tottenhem» so‘nggi to‘rtta uchrashuvda mag‘lubiyatga uchramadi va ketma-ket uchta g‘alabani qo‘lga kiritdi. APLning to‘qqiz turidan keyin «shporlar» 12 ochko bilan turnir jadvalining to‘qqizinchi pog‘onasini egallab turibdi.
7 noyabr kuni De Zerbi shogirdlari safarda «Lids»ga qarshi bahs olib boradi.
