Chempionlar ligasida gʻoliblik uchun asosiy daʼvogarlar oʻzgardi
Yevropa Chempionlar ligasi asosiy bosqichining toʻrtinchi turi oldidan Opta tahlilchilari musobaqaning joriy mavsumida gʻolib chiqish ehtimoli yuqori boʻlgan jamoalar reytingini yangiladi.
2026-yil oktabr oyining oʻrtalarida tahlilchilar «Barselona»ni Chempionlar ligasining asosiy favoriti sifatida koʻrayotgan edi. Biroq uchinchi turda «PSJ» kataloniyaliklarni 4:2 hisobida magʻlub etganidan soʻng vaziyat biroz oʻzgardi.
Endilikda Parij klubi va «Barselona»ning musobaqada gʻolib chiqish imkoniyatlari teng baholanmoqda. Har ikki jamoaning imkoniyati 19 foizga teng.
Uchinchi oʻrinda Londonning «Arsenal» klubi joylashgan boʻlib, uning gʻoliblik ehtimoli 11 foizga baholanmoqda. Keyingi oʻrinlardan esa «Bavariya» (9 foiz) va Madridning «Real» klubi (7 foiz) oʻrin olgan.
