Ислом Махачевнинг мураббийи UFC 336 даги жанг нима сабабдан амалга ошмаганини тушунтирди
UFC чемпиони Ислом Махачевнинг мураббийи Хавьер Мендес шогирдининг Карлос Пратесга қарши эҳтимолий жанги нима сабабдан амалга ошмаганига муносабат билдирди. Мутахассис учрашувни ташкил этиш жараёнида муаммолар юзага келган бўлиши мумкинлигини таъкидлади.
Мендес UFC раҳбарияти мазкур жангни белгиланган санага ташкил эта олмаган бўлиши мумкинлигини тахмин қилди. Мураббийнинг айтишича, Махачев ҳар қандай рақибга қарши жанг қилишга тайёр, бироқ тайёргарлик учун етарли муддат берилишига катта аҳамият қаратади.
Мендес жангнинг бекор бўлишига нима сабаб бўлганини аниқ билмаслигини ҳам тан олган. Мутахассис шогирди билан ушбу масалани шахсан муҳокама қилмаганини, шу сабабли эҳтимолий жароҳат ёки бошқа омиллар ҳақида қатъий хулоса чиқариш мумкин эмаслигини билдирган.
Маълумот учун, UFC 336 турнири 2027 йилнинг 30 январь куни Канаданинг Торонто шаҳрида ўтказилиши режалаштирилган. Махачевнинг мазкур турнирдаги иштироки ҳозирча тасдиқланмаган.
