Дана Уайт танқид қилди, Махачевнинг мураббийи эса жавоб қайтарди
UFC раҳбари Дана Уайт ярим ўрта вазн тоифаси чемпиони Ислом Махачевнинг жанглар орасидаги узоқ танаффусидан норозилигини билдирди. Россиялик спортчининг мураббийи Хавьер Мендес эса ушбу танқидга муносабат билдириб, шогирдини ҳимоя қилди.
Уайт дастлаб Махачев январь ойида чемпионлик камарини ҳимоя қилиши режалаштирилганини, бироқ кейинчалик жангчи Рамазон ойидан сўнг октагонга қайтишни истаганини айтган. UFC раҳбари чемпионлар узоқ вақт жанг қилмаса, вазн тоифасидаги бошқа даъвогарларнинг имкониятлари чекланишини таъкидлаган.
Хавьер Мендес эса Махачев ҳеч қачон рақиб танламаслигини ва унга ҳар қандай жанг олдидан икки ой тайёргарлик кўриш имконияти зарурлигини билдирган. Мураббий UFC билан музокаралар тафсилотларидан хабардор эмаслигини тан олган ва шогирдининг профессионал ёндашувига ишонишини айтган.
Маълумот учун, 2027-йил 30-январь куни Торонто шаҳрида ўтказиладиган UFC 336 турнирида Карлос Пратес ва Майкл Моралес вақтинчалик чемпионлик камари учун жанг қилади. Ғолиб келгусида амалдаги чемпион Ислом Махачев билан тўқнаш келиши мумкин.
