Улуғбек Бакаев: «Машъал\" бизга уч-тўртта гол уриши мумкин эди»
Улуғбек Бакаев: «Машъал" бизга уч-тўртта гол уриши мумкин эди»
Суперлига 20-турдан ўрин олган "Сўғдиёна" – "Машъал" учрашувидан сўнг жиззахликлар бош мураббийи Улуғбек Бакаев матбуот анжуманида иштирок этди.
- Ўйин ҳақида фикрингиз?
- Стратегик томондан бугунги ўйин биз учун муҳим эди. Жамоани ғалаба учун тайёрладик, йигитларга керакли гапларни айтдик. Тезкор гол уриб ҳисобни очдик. Шундан сўнг йигирма дақиқача "Машъал" устунлик қилди. Рақиб бир нечта ҳужумлар ташкил этди ва агрессив ўйин кўрсатди. "Машъал" бизга уч-тўртта гол уриши мумкин эди, бироқ ҳимоячиларимиз ва дарвозабон яхши ҳаракат қилди. Шундан сўнг биз яна голлар урдик ва кейин тўп ўтказиб юбордик. Ҳақли ғалабага эришдик деб ўйлайман. Йигитларни ғалаба билан табриклайман ва кейинги баҳсга ҳозирлик кўрамиз.
- Бугун йирик ҳисоб қайд этилди, дарвозаларга 7та тўп киритилди. Сиз шундай ўйинни кутганмидингиз?
- Футболда олдиндан бир нима дейиш қийин. Футбол исталган пайт ижобий ёки салбий томонга оғиб кетиши мумкин. Биз ўз имкониятларимиздан фойдаланиб вазиятларни голга айлантирдик. Шундан сўнг ҳимояда ҳам, ҳужумда ҳам енгил ўйнадик.
