Сергей Лушчан: «Бу шунчаки уят»
Сергей Лушчан: "Бу шунчаки уят"
Суперлига 20-турдан ўрин олган "Сўғдиёна" – "Машъал" учрашувидан сўнг муборакликлар бош мураббийи Сергей Лушчан матбуот анжуманида иштирок этди.
- Ўйин ҳақида фикрингиз?
- Бу шунчаки уяит. Бундан бошқа гап бўлиши мумкин эмас. Негаки аввалги ўйинлардан сўнг матбуот анжуманида айтгандим: бизда буёғига ёшлар ўйнайди. Ўринбосарлар, U-19 жамоамиздан футболчиларни таклиф этамиз дегандим. Лекин ўз ўйинчиларимизга яна имкон беришга қарор қилдик. Мен ўз позициямни тушунтиришга ҳаракат қилдим, лекин асосий таркиб ўйнасин деган қарорга келинди. Ўйинчиларимиз даражаси Суперлига даражасига мос эмас. Бор гап шу. Мен ушбу мавсумдаги тўртинчи мураббий бўлсам керак. Балки олтинчи, саккизинчи, ўнинчи мураббий ҳам келиши мумкин. Бу ерда яхши одамлар, яхши йигитлар - лекин бу касб эмас.
- Вазиятлар бўляпти, бироқ гол уришга келганда жамоа оқсаяпти.
- Гол уришни қўя турайлик. Бизда муаммо ҳимояда. Олдинда нима бўлиши бизни унчалик ўйлантирмайди. Биз исталган жамоага гол уришимиз мумкин. Лекин ўтказиб юборилаётган голлар-чи? Ўзимизга ўзимиз муаммо олиб келяпмиз. Асаблар дош бермаяпти. Ўйлашимча, кейинги баҳс таркиб борасида умуман бошқача бўлади. Биз очиқчасига гаплашиб олдик, кимга ёқмаса кетиши мумкин.
