Суперлига. «Пахтакор» «Машъал»ни мағлуб этиб, пешқадамга айланди
Суперлига. «Пахтакор» «Машъал»ни мағлуб этиб, пешқадамга айланди
Фламарионнинг дубльи «Пахтакор»га навбатдаги уч очкони тақдим этди.
Суперлиганинг 22-турида «Машъал» ўз майдонида «Пахтакор»ни қабул қилди. Ғузордаги «Шўртан» стадионида кечган баҳс 0:2 ҳисобида меҳмонлар фойдасига якунланди.
Биринчи бўлимда ҳисоб очилмади. 51-дақиқада Сардор Собирхўжаевнинг узатмасидан сўнг Фламарион тошкентликларни олдинга олиб чиқди.
77-дақиқада Достонбек Ҳамдамовнинг ассистидан кейин Фламарион ўзининг иккинчи голини уриб, ҳисобни 2:0 кўринишига келтирди. 90+10-дақиқада эса Муртозаев пенальтидан тўп киритиб, ҳисобни қисқартирди — 1:2!
Баҳс давомида муборакликлар футболчиси Бобуржон Асқаров 90+1-дақиқада, «Пахтакор» вакили Муртазо Пуралиганжи эса 10-дақиқада майдондан четлатилди.
Ушбу натижадан сўнг «Пахтакор» очколарини 49 тага етказиб, турнир жадвалида 1-ўринга чиқди. «Машъал» эса 4 очко билан сўнгги поғонада қолди.
Суперлига. 22-тур
Машъал — Пахтакор 1:2
Голлар: Фламарион 51, 77 - Муртозаев 90+10.
Огоҳлантиришлар: Исмоилов 6, Раҳимов 34, Собирхўжаев 85, Бўриев 90+3.
Четлатишлар: Пуралиганжи 10, Асқаров 90+1.
Машъал: Жўрабеков, Акрамов, Тожиддинов, Абдураимов, Нуриддинов (Ғанихонов, 79), Исмоилов, Абдираҳимов (Мўйдинов, 81), Чориев, Кўчаров (Муртозаев, 39), Раҳимов (Ифеани, 79), Асқаров.
Пахтакор: Қувватов, Пуралиганжи, Алижонов, Мозговой, Ресан (Ҳамдамов, 67), Бўриев, Собирхўжаев, Ҳусайн (Чинеду, 68), Насруллаев, Фламарион, Абдумажидов.
