Суперлига. «Пахтакор» «Бухоро» дарвозасига жавобсиз олтита тўп киритди
Ўзбекистон Суперлигаси 9-туридан ўрин олган «Пахтакор» ва «Бухоро» ўртасидаги баҳс бўлиб ўтди ва унда «шерлар» йирик 6:0 ҳисобида ғалаба қозонди.
Дастлаб, Игор Сергеев 21-дақиқада ҳисобни очди (1:0). 37 ва 49-дақиқаларда эса Муҳаммадали Ўринбоев дублни расмийлаштирди (3:0).
60-дақиқада Башар Ресан ҳисобни йирик кўринишга олиб келган бўлса (4:0), 62-дақиқада Иброҳим Ибрагимов жамоасининг бешинчи голига муаллифлик қилди (5:0).
Иккинчи бўлимга қўшиб берилган дақиқаларда Муҳаммадали Усмонов ҳисобни янада йириклаштириб қўйди (6:0).
Шу тариқа, «Пахтакор» ушбу ғалабадан сўнг ўз очколари ҳисобини 12 тага етказиб, турнир жадвалида 6-ўринга кўтарилишига сабабчи бўлди.
Ўзбекистон Суперлигаси | 9-тур
«Пахтакор» 6:0 «Бухоро»
Голлар: Игор Сергеев 21' (1:0), Муҳаммадали Ўринбоев 37' (2:0), Муҳаммадали Ўринбоев 49' (3:0), Башар Ресан 60' (4:0), Иброҳим Ибрагимов 62' (5:0), Муҳаммадали Усмонов 90+6' (6:0).
